ಕನ್ನಡ ಸಿರಿ - Kannada Siri - Greatness of Kannada

ಕನ್ನಡ ಸಿರಿ


ಕನ್ನಡ ಕುಣಿಯಲಿ ಕನ್ನಡ ನಲಿಯಲಿ
ಕನ್ನಡ ಜನತೆಯ ಹರಸುತಲಿರಲಿ
ನಮ್ಮಯ ಭಾಷೆಯ ನಲ್ಮೆಯ ಸೊಗಸಿದು
ಎಲ್ಲರ ಮನೆ ಮನ ಬೆಳಗುತಲಿರಲಿ

ದ್ರಾವಿಡ ಮೂಲದ ಸೊಬಗಿನ ಸಿರಿಯಿದು
ಉನ್ನತ ಹಿರಿಮೆಯ ಭಾಷೆಯಿದು
ನಿಷ್ಕಳ ನಿಖರ ನ್ಯೂನತೆ ಅರಿಯದ
ಸುಂದರ ಇದರ ವಿಕಸನವು

ಗಂಗ ಕದಂಬರ ನೆರಳಲಿ ನಲಿದು
ಚಾಲುಕ್ಯ ಹೊಯ್ಸಳ ಸಿರಿಯಲಿ ಬೆಳೆದು
ಹಕ್ಕ ಬುಕ್ಕರ ಆಶ್ರಯ ಪಡೆದು
ಮೈಸೂರು ಅರಸರ ನಾಡಲಿ ಹರಿದು

ಆದಿಕವಿತ್ವದ ರತ್ನದ ಸಾಲಲಿ
ಪಂಪ ರನ್ನರ ಬರಹದ ಸುಧೆಯಲಿ
ವಚನದ ರಚನೆಯ ದಾಸರ ಪದಗಳ
ದಾರಿ ದೀಪವು ಬೆಳಗಿರಲಿ

ಕನ್ನಡದಾಸ್ತಿಯ ಕಥೆಗಳ ಸೆರೆಯಲಿ
ಕುಗ್ಗದ ಕಗ್ಗದ ಆಳದ ಸಿರಿಯಲಿ
ಕುಪ್ಪಳ್ಳಿಯ ಆ ಅವಿರತ ಬೆಳಕಲಿ
ಒಲವಿನ ಕವಿತೆಯ ಚೆಲುವಿನ ಸವಿಯಲಿ


ನಮ್ಮೆಯ ವರಕವಿ ನಾಡಿನ ಭಾಗ್ಯವಿ
ಸವೆಯಿರಿ ಅಮೃತ ಕೃತಿಗಳನು
ಪುಸ್ತಕದಕ್ಕರೆ ಎಲ್ಲರ ಸೆಳೆಯಲಿ
ಬೆಳೆಸಿರಿ ಕನ್ನಡದೊಲುಮೆಯನು


ಕಲಿಕೆಯ ಬೆಸುಗೆಯ ಪುನರಪಿ ಹೊಸೆಯಿಸಿ
ಒಲವಿನ ಸಿರಿಯಲಿ ನಲಿಸುತಲಿರಲಿ
ಕನ್ನದ ಮಾತೆಯ ವರಸಿರಿ ಭಾಷೆಯು
ಎಂದೆಂದಿಗು ನಗು ಹರಿಸಿರಲಿ

-ನವೀನ್